Dosto kaise hai aap log aaj hum aapke liye mobile se related bahut kamaal ki post lekar aaye hai aaj hum fir se mobile ki ek aur call setting ke bare me baat karne wale hai jo aapke bahut kaam aane wali hai Aaj hum baat karne wale hai Call Forwarding ke baare ise call divert ke naam se bhi jana jata hai kyoki iska kaam calls ko divert karna hota hai. Call forwarding ke bare me bahut sare log nahi jante hai aur jab hume mobile ke kisi feature ke bare me nahi pata hai to hum uska upyog hi kaise kar sakte hai isliye hum aapko is post ki madad se is setting ki jankari dene wale hai.
Mobile me multiple call se related settings hume dekhne ko milti hai aur Call forwarding mobile ki sabse important call setting hoti hai isliye hum iske bare me puri detail se janne wale hai. Call forwarding ya call divert ek esa feature hai jo aapki call ko kisi aur number par transfer kar sakta hai yani ki aap kisi aur number par bhi apni phone call pickup kar sakte hai aur is kaam ke liye call forwarding ka upyog kiya jata hai. Ab dekhiye koi bhi setting ya feature aap mobile me upyog kar rahe hai to usse pahle aapko uske bare me jankari bhi to hona chahiye na isliye hum sabse pahle yah jante hai ki call forwarding kya hai aur yah kis tarah se kaam karti hai uske baad hum ise activate karne ke bare me janenge.
Call Forwarding (Call Divert) kya hai janiye
Aap iske naam me hi dekh sakte hai ki yaha forwarding ka matlab hota hai kahi aur bhejna to yaha par Call forwarding ka matlab hota hai apne mobile me aane wali incoming calls ko kisi dusre number par divert karna ya fir transfer karna aur is calling feature ko Call divert ke naam se bhi jana jata hai. Aapke phone me koi problem ho rahi hai ya network issue hota hai aur is wajah se incoming calls nahi aate hai to aap call forwarding ka upyog karke apni calls ko kisi aur ke number par divert kar sakte hai aur is tarah se aap aasani se apne jaruri call pickup kar sakte hai. Uske baad jab aapka kaam ho jata hai to aap is setting ko off kar sakte hai. Chaliye ab jante hai ki call forwarding kaise karte hai.
Call Forwarding [Call divert] kaise kare full guide
Dosto call forwarding (divert) karne ke 2 tarike hote hai jisme se ek usss code ki madad se kiya jata hai aur dusra mobile ki setting me manually jakar karte hai par ussd code me kabhi kabhi call forwarding activate nahi hoti hai isliye hum manually call divert activate kaise kare iske bare me janne wale hai to aap niche bataye hue pure process ko achche se follow kare.
STEP-:1 Apne mobile ki call settings me jana hoga iske liye dialer me jaye yaha par menu me click karke Call setting ke option ko chune.
STEP-:2 Ab aapko yaha par Call Forwarding ka vikalp dekhna hoga aur agar mobile me 2 sim lage hai to us sim ka call forwarding chune jis par yah setting activate karna hai.
STEP-:3 Iske baad aapko 2 option dekhne ko milenge Voice call aur video call to aapko yaha par voice wale option par click karna hai kyoki hum incoming voice call ko forward karna chahte hai.
STEP-:4 Call forwarding par click karne ke kuch der ki loading hogi aur aapke samne 4 options honge aapko first option always forward par click karna hai.
STEP-:5 Yaha par wah number enter karna honge jis par aap apni calls forward karna chahte hai to number daal kar turn on par click kare isse yah setting active ho jayegi.
Yahi hai sabse achcha aur aasan tarika aap is tarah se apne mobile me call forwarding ko activate kar sakte hai aur jarurat ke hisaab se upyog me le sakte hai. Dosto ek baat yaad rakhe kaam hone ke baad call forwarding ko band karna jaruri hota hai nahi to aapki calls dusre number par divert hoti rahti hai. Aapko is call setting ko deactivate karna hai to aap is post ko padhe.
- Call Forwarding band (deactivate) kaise kare.
App is post ko padh kar Call forwarding ko band kar sakte hai aur agar kisi step me kahi problem hoti hai to hume bataye hum aapki madad karenge.
Call Forwarding use karne ka fayda
Call forwarding ka upyog kab karna hota hai yah sawaal aapke dimag me jarur aaya hoga to chaliye iska use kab karna hai aur is feature ka kya fayda hume hoga iske bare me hum ek example se jante hai. Maan lijiye aap kahi bahar gaye hai apne dosto ke sath lekin kisi wajah se aapke phone me network problem hai ya fir phone band hone wala hai par aapke phone par important calls aati hai to aap ese me apne number par aane wali sabhi incoming calls ko apne sath wale vyakti ke number par call forwarding ki madad se divert kar sakte hai isse yah hoga ab agar koi bhi aapko call karta hai to wah sabhi calls aapke dost ke number par aayegi aur aap is tarah se apni calls pickup kar sakte hai. I hope ki aapko call forwarding ka use kab karna hai iske bare me achche se samajh gaye honge.
Dusri post bhi padhe -:
Conclusion
Ha to hamare pyare dosto to aaj hum call Forwarding ke bare me jaan chuke ab aage se jab bhi aapko apne calls kisi aur number par transfer karna ho to aap call divert setting ka upyog karke kar sakte hai. Hum ummid karte hai aapko call divert ya call forward karne ka tarika achche se samajh aaya hoga aur agar kuch nahi samajh aaya to aap humse puch sakte hai. Hum aage bhi aapko ese hi call settings ke bare me jankari dene wale hai isliye aap isi tarah se hamare sath bane rahe aur aapko hamara call forwarding se related yah post achcha laga to iske bare comment karke apne dosto ke sath jarur share kare. Hum jaldi aapke liye mobile se related post lekar aayenge tab tak ke liye good by fir milenge.
Tags:
Mobile Settings