Aaj hum aapko mobile ki ek bahut kamaal ki trick batane wale hai jo aapke bahut jyada kaam aa sakti hai. Hum agar apne internet ko share karna chahte hai to wifi aur hotspot ka upyog karte hai par kya aap jante hai ki inke bina bhi hum ek mobile se dusre mobile me data transfer kar sakte hai aur is kaam ke liye hum bluetooth ka upyog karte hai ji haa dosto aap bilkul sahi samajh rahe hai hum bluetooth ki madad se mobile me data to transfer kar sakte hai par iska upyog karke internet ko bhi share Kiya ja sakta hai aur aap yah soch rahe hai ki bluetooth se internet share karne par hamara internet slow chalega to esa kuch nahi hai aapka net bhi ek dum fast chalega usme koi pareshani nahi hone wali hai.
Kya aapke paas bhi 2 device hai aur kisi ek me internet share ka option nahi hai to ab pareshan hone ki jarurat nahi hai kyoki aaj aap bluetooth ki madad se bhi internet ko share kar sakte hai. Ese bhi log hote hai jinke paas ek keypad phone aur dusra smart phone hota hai to jitne log is tarah ke mobile combination rakhte hai unke liye bluetooth se internet chalane ka tarika janna jaruri hota hai. Iske bare me puri detail se batane wale hai aur iske bare me bahut log janna bhi chahte hai wo baat alag hai ki bahut sare logo ko pata hai ki bluetooth se bhi internet share kar sakte hai lekin kaise iske bare me jankari nahi hoti hai par is post ko padhne ke baad Mobile me bluetooth se internet share kaise kare iske bare puri jankari ho jayegi.
- Mobile me call forwarding on kaise kare.
- Computer me mobile se internet kaise chalaye.
- Mobile me gmail id kaise lagaye.
Bluetooth se internet chalane ka kya matlab hai
Agar aap hamare daily visitor hai to Yah ek esa sawaal hai jo aapke mind me aaya hoga to iska yahi matlab hai jaise aaj kal hum internet share karne ke liye hotspot aur wifi ka upyog karte hai lekin pahle internet share karne ke liye bluetooth ka upyog kiya jata tha aur abhi bhi iska upyog bahut sare log karte hai. To agar aapke paas keypad mobile hai ya fir esa phone hai jisme internet share ka option nahi hota hai to aapke liye mobile me bluetooth se internet share karne ka yah tarika bahut kaam aane wala hai. Chaliye aapko iska matlab to samjh aaya hoga ab hum janenge ki Mobile me bluetooth ki madad se internet share kaise kare aur uske baad aapko iska upyog karne ke kuch fayde bhi batane wale hai.
Mobile me bluetooth se internet kaise chalaye ya share kare ? Puri jankari
Mobile me bluetooth se internet chalane ki yah process jyada mushkil nahi hai bas isko ek baar connect karne me thoda time lagta hai agar aap ek baar isko sikh jate hai to fir aap kisi bhi phone me iska upyog kar lenge to chaliye aap niche bataye hue sabhi instructions ko follow karte hai to aap isko sikh jayenge.
STEP-:1 Sabse pahle hum jis mobile ka internet upyog karne wale hai uski main setting me jaye aur yaha par Network and internet me jakar Bluetooth tethering ko on kare aap ise setting me search bhi kar sakte hai.
STEP-:2 Iske baad hume apne dono mobile jisme internet chalana hai aur jiska internet share karna hai in dono ka bluetooth chalu kare taaki hum dono ko pair kar sake.
STEP-:3 Ab aap jis mobile me internet chalana chahte hai usme apne dusre mobile ka naam dekh kar us par click karke pair kare. Aapki Pairing failed na ho iska dhyan rakhe.
STEP-:4 Jaise hi hum pair par click karte hai to first wale mobile me ek popup aajata hai jisme pair this device likha hota hai to aapko pair par click karna hoga. Last Me aapko ek aur popup dikhega aur dusre device ka naam hoga usme iske sath Internet Access ka option hoga to aap isko Tick Mark karke ok par click kare.
Bas ho gaya hamara kaam ab aap internet chala kar dekh sakte hai apne dusre mobile me bhi usme bhi aapka internet chal raha hoga. To dekha dosto aapne yah kitna aasan hai aur is tarah se aap kabhi bluetooth ka upyog karke ek mobile se dusre mobile me internet share kar sakte hai. Abhi bhi aapko kahi par koi doubt hai ya aapka koi sawaal hai to comment karke puch sakte hai to chaliye dosto ab aapki bari aap bhi ise jarur try kare baaki hum aapki help karne ke liye available hai.
Mobile me bluetooth se internet share karne ke fayde
Dosto mobile bluetooth se internet share karne ka apna fayda hai socho aap esi jagah par hai jaha aapke paas 2 mobile hai jisme se ek keypad wala hai aur dusre phone me internet nahi chal raha hai to aap apne keypad wale phone ka internet share karke dusre mobile me aasani se upyog kar sakte hai. Iske alawa kuch mobile ese bhi hote hai jisme hotspot jaisa option nahi hota hai to ese me aap bluetooth ka upyog kar sakte hai. Aap chahe to multiple devices ko apne bluetooth se connect karke sabhi me ek sath bhi data share kar sakte hai par isse aapka internet thoda slow ho jata hai. Hum ummid karte hai ki aapko samajh aaya hoga ki hum is method ka upyog kab kar sakte hai aur isse hume kya fayda hota hai.
Conclusion
Bluetooth ki madad se ek mobile se dusre mobile me internet share karne ke bare me bhi aaj hum jaan chuke hai aur hum aasha karte hai aap isko achchi tarah se sikh gaye honge. Mobile me bluetooth se internet share karne me aapko koi problem hoti hai to aap uski jankari hume de sakte hai taaki hum aapki puri sahayta kar sake. Aapko yah post kaisi lagi hai hume comment karke jarur bataye aur agar post pasand aaya hai to ise share karna to banta hai. Hum daily aapke liye mobile aur computer se related post lekar aate rahte hai to aap hamari website ko subscribe kar sakte hai isse aapko new updates ki jankari sabse pahle mil jayegi. Dosto aaj ki post me itna hi hum jaldi aapke liye kuch naya lekar aate hai tak tak ke liye good by aapka din achcha ho.
Tags:
Mobile Tricks